Azərbaycan Respublikasında ümumi təhsilin konsepsiyası (Milli Kurikulum) fələsəfəsinin müəyyən edilməsi

                 Milli Kurikulumun fələsəfəsi

Azərbaycan Respublikasında ümumi təhsilin Konsepsiyası- Milli Kurikulumu konseptual xarakterli çərçivə sənədi olub, ümumi təhsil üzrə təlim nəticələrini və məzmun standartlarını, ümumi təhsilin hər bir pilləsində nəzərdə tutulan fənləri, həftəlik dərs və dərsdənkənar məşğələ saatlarının miqdarını, pedaqoji prosesin təşkili, təlim nailiyyətlərinin qoymətləndirilməsi və monitorinqi üzrə əsas prinsipləri, fənn kurikulumlarının strukturunu əhatə edir.

—Milli Kurikulum ictimai-siyasi, mədəni və sosial həyatın qloballaşdığı və universallaşdığı, informasiya- kommunikasiya texnologiyalarının rolunun artdığı, rəqabətin gücləndiyi müasir dövrdə hər bir şəxsin istedad və qabiliyyətinin müstəsna əhəmiyyət kəsb etdiyi nəzərə alınaraq, müstəqil qərarlar qəbul etməsi üçün onun zəruri təhsil səviyyəsinə və bacarıqlarına malik olmasına, cəmiyyətin inkişafının əsas hərəkətverici qüvvəsi olan insanın formalaşdırıılmasına və problemlərin həllinə yönəlmişdir.

Milli Kurikulum bilavasitə aşagıdakı funksiyaların reallaşdırılmasına xidmət edir:

—Ümumi təhsilin pillələri, bu pillələrdə tədris olunan fənlər arasında əlaqələrin və ardıcıllığın təmin edilməsi;

—Fənlərin məzmununun cəmiyyətin tələbatına uyğun daim təkmilləşdirilməsi və yeniləşməsi;

—Təlim texnologiyaların çevikliyi və interaktivliyinin təmin olunması;

—Nəticəyönümlü fənn kurikulumlarının hazırlanıb təqbiq olunması;

—Şagird nailliyyətlərinin obyektiv qiymətləndirilməsi və stimullaşdırılmasının təmin edilməsi.