Mən necə müəllim olmaq istəyirəm

*Təhsil bizim həyatımızı təşkil edir və təhsilin siması məhz müəllimdir. Müəllim öz həyatını  xalqın gələcəyinə həsr edən şərəfli şəxsdir. Bu peşənin sahibləri canlı insanla işləyir, canlı insanlarla işləmək isə çox maraqlıdır. Yaradıcı sənətdir. Konkret bir sənəd, resept üzrə işləmək olmaz. Yaradıcı olmaq lazımdır müəllimlikdə. Hər hansı bir işə yaradıcı yanaşmağı, inkişafı çox sevirəm.

*Mənim üçün müqəddəs olan vəzifəsini laiqincə yerinə yetirən müəllimdir- dəyərli varlıqlardır.

Ən başlıcası həyat müəllimi olmaq istəyirəm. Real biliklərə əsaslanaraq təlim prosesini qurmaq, təlimdə əsas diqqət mərkəzində şagirdlərin fəaliyyətinə imkan yaradan, praktik təhsil formasına daha çox üstünlük verən, fənndaxili və fənlərarası inteqrasiyanı tətbiq etməyi bacaran, yüksək pedaqoji biliyə əsaslanan – MÜƏLLİM...

Yeni təhsil standartlarına cavab verən biliklərə sahib olmaq. Çünki müasir təhsil sisteminə əsasən biz İKT-ni, informasiya texnologiyalarından istifadəni dərindən bilməliyik. Müasir təhsil strukturunun qurulmasında məhz İKT-in rolu böyükdür. Kurikulum metodu ilə keçirilən təlim prosesində informasiya texnologiyalarının, elektron resursların rolu böyükdür.

“ Müəllim həqiqətləri açmır, o- hər bir şagirdin özü üçün özü açmalı olduğu həqiqətin bələdçisidir. Yaxşı müəllim – yalnız katalizatordur”.